蠔站 (荃新天地)

营业中

休息中

朋友聚会，想揾一个可以坐得耐又有好嘢食嘅地方，咁岩喺荃湾，见几近就嚟咗呢间餐厅食晚饭。Book咗19:15，去到即刻入座，餐厅唔算多人，环境宽敞，四人枱够大，枱同枱中间有足够嘅空位，几好坐。我哋三个人叫咗一个汇丰信用卡嘅优惠套餐，有南瓜汤，蟹肉青瓜沙律，炸鱿鱼，刺身拼盘（三文鱼，生虾，螺，生蚝两只）意大利饭，肉眼扒。另外再叫咗一打生蚝。食物卖相唔错，分量足够，三个人share都觉得饱。味道方面大部份都中上，特别钟意意大利饭，饭质地岩岩好，好有菇味。刺身方面，样样都新鲜，三文鱼同生虾味道鲜甜。生蚝就比较细只，好重海水味，都好新鲜。但系肉眼扒叫咗五成熟，唔太稔，又有渣，麻麻地，反而配菜几好食，薯蓉好creamy几香。价钱方面，$678埋单，每人二百几蚊，可以食到生蚝，刺身，意大利饭，牛扒，算几抵。生蚝一打$120，性价比颇高。