海南少爺 (已結業)

12月有朋友生日嚟左呢度食生日饭，朋友话之前食过觉得几好味，我们坐下即刻叫左每人一碗肉骨茶，大家都叫马来西亚肉骨茶，仕应说是重药材味多d，新加坡肉骨茶重胡椒味多d，另外有个六人餐，仕应推介给我们的，套餐有一只海南鸡，咖喱牛腩配薄饼，炸虾丸配咖吔酱，红烧东坡肉， 星州萝卜糕，炸油条虾胶，豆腐煲.海南鸡好滑,味道OK,唔会好肥的,加埋D酱一齐食,好香,有三款酱,豉油,姜的,同埋一只唔知系咪沙嗲酱,我只系食姜溶的,所以唔知其它两种系咩味. 炸虾丸热辣辣好好味,好弹牙,我地再叫多一碟食,因一碟有六粒,我地有七个人,唔够分同埋真的好味,星州炒萝卜糕,我觉得一般,冇咩味,唔够入味,虽然佢既颜色好深. 豆腐煲好大件豆腐的,豆腐入面好绵,好味㖞,有些冬菇都好鲜甜呀!红烧东坡肉都好大件的,好甜同埋都好香入味,不过唔可以食咁多,因好肥好漏呀,但个汁好香,咖喱牛腩都系好香,用嚟配薄饼或饭系一流.仕应服务都几好,好快上菜及收碟,抵赞呀.