江南味

营业中

休息中

今日天气好热，同个friend出街食，又唔想周围行，于是响佢屋企附近揾到一间江南味，佢话都未食过想试下。呢间系小店，座位唔多同埋有啲迫，我哋早到唔使等位，但系都要坐近门口𠮶张枱(因为系最后一张吉枱😅)。餐牌食物选择唔多，但价钱非常实惠，我哋点咗几款小食同一款主食试下。饭餐：特色猪扒肉燥饭 $60.-猪扒炸得金黄香脆，肉质软腍，肉燥唔算多但味道几好，菜饭软熟唔会太湿，捞埋肉燥一齐食几好食。清汤小笼包(跟餐加$28.-)包皮做得几薄，但咬落质感有啲奇怪，唔似用全面粉做，汤汁充足味道唔错，馅料冇乜肉香味而且质感比较松散。豆浆(餐饮)有豆香味，冻冻地几好饮。生煎锅贴 $35.-一碟有4大只锅贴，煎得非常干身香口，馅料饱满，同样肉质比较松散内味淡。萝卜丝酥 $40.-一碟有3件，外层炸得干身，口感非常酥脆，萝卜丝馅清甜多汁，比起好多茶楼做得更出色👍。胡椒烧饼 $45.-一碟有4件，外层烤得焦香，胡椒味劲香浓，但馅料混有梅菜，整体味道其实👌，但个人偏爱全肉。