宮崎日式燒肉店 (已結業)

兄弟生日话唔想整日打边炉，想试下食烧肉，好才有老婆帮手揾餐厅，又要就返兄弟公司，最后去左旺角的<宫崎日式烧肉店>。入到去已经好多人，环境都几舒服，我地佳卡位，呢度系食放题烧肉，见到点餐纸有好多唔同的野食。愤怒火牛仔、仙境纯情豚，同埋青岛膏蟹系送的，仲有烟出，几有新意下。青岛膏蟹蟹肉新鲜肥美，蟹盖蟹膏满满的。豚肉同牛肉薄身，容易烧，我比较钟意牛肉，因为牛肉香浓，豚肉有d油脂我就一般，老婆同兄弟就好钟意。其他肉都好正，好似牛舌、牛仔骨、牛小排、一口牛、特级牛胸腹等，牛味浓郁，肉积幼嫩，其他仲有羊架等。海鲜方面都好新鲜，带子肥美、青口爽口，d虾大大只肉质弹牙。仲有好多熟食，如寿司、炸物、酒煮蚬、面食等等，以及多款饮品，价钱又唔算贵，几抵食。