Running 燒 (已結業)

呢日行开旺角，想食韩烧，就见到呢一间都几多好评嘅韩烧店，就一于试吓啦地点就系喺旺角中心附近，好方便，地方都好大，韩烧店来讲，个抽气扇都几够风，都冇食到成身油。嘢饮都有好多款，有汽水，亦都有唔同嘅茶类，上面嘅啤酒都系任饮，呢个价钱来讲都算好多嘢饮拣。落单系用手机落，介面都好方便，落完单都好快有食物送到食物来讲都好多款式拣，有海鲜，有肉类，有蔬菜，有熟食同埋炸物，我觉得啲野食都几新鲜，好啱一大班钟意食肉嘅食肉兽，但最好食嘅系个辛辣面，因为真系几辣下🤪最后都会有一条韩国雪条作为甜品，令到成个韩式烧烤好完美。