焰井 (已結業)

之前约左朋友去太子食饭，见尼间啱啱新开嘅石板烧肉几吸引就试下啦。⠀⠀⠀⠀⠀⠀⠀⠀⠀我地点左牛脷同牛柳，我地两个女仔净系叫左细份，但其实都好够食，因为佢跟餐仲有成碗饭，又有汤同前菜。⠀⠀⠀⠀⠀⠀⠀⠀⠀好值得赞嘅系佢唔似出面啲店咁用好多浓味酱油腌晒啲肉，反而净系好单纯咁有啲肉，自己可以按需要咁落盐、黑胡椒，再加烧汁。所以食得出啲肉好新鲜，唔系啲陈年货👍⠀⠀⠀⠀⠀⠀⠀⠀⠀个石板好热，所以煎得好香口同可以keep 到啲肉好耐都好热。侍应姐姐好好人，帮我烧得啱啱好，唔会烧到老晒。我觉得牛柳有肉味，同都几有口感，唔会一味得个腍身或者鞋身。同佢唔会切到好大粒，所以好容易掌握生熟程度。至于牛脷，我觉得好好食，佢唔算好厚，同又冇筋。而食落就系微微嘅脆口，同爽身，配上烧汁就好好食。⠀⠀⠀⠀⠀⠀⠀⠀⠀我觉得一个人大概八十蚊嘅晚市就可以食石板上嘅烧牛就好抵食，希望迟啲六点后有得食饭可以再试啦🐮