御石燒 (已結業)

仲记得好多年前啱啱兴起石烧吉列牛既时候系某餐厅第一次食呢样野，完全唔明有咩咁好食，多年后再比次机会吉列牛先发现原来佢系可以好好食既对比起当年食过既吉列牛呢到既份量多成倍，又有番咁上下厚度，可以见到啲牛本身色泽鲜艳又有啲油脂，烧完有牛香又唔会食到成口油，个烧肉酱点肉又得捞饭又得，个饭啲饭素都落得好重手，令到个饭味道非常丰富。除左吉列牛之外呢到仲有石烧牛小排/牛舌可以拣，我地食左呢个石烧牛小排又系非常出色都系肉味浓又有适当油脂，而且完全唔韧，啲牛就算烧耐左啲都系咁好味，完全唔洗担心火候问题。不过佢个指示写烧3分钟就其实唔洗咁耐，因为个石好够热而且店员见就黎烧完都会即刻走黎比多旧燃料。曾经系出面食过石烧牛系比冷气吹住个火上唔到黎最后有啲肉系烧极都唔熟，仲有去过间食石烧成块牛排既啲肉超韧，呢间真系暂时食过既石烧肉黎讲最出色，价钱又唔贵，值得一试