九重鮮 (已結業)

抵食种类多 海虾尤其正～～～放假系好友邀请底下去咗红磡食午市放题 住附近嘅朋友话呢一间放题非常高质 知道我钟意食龙虾 鲍鱼 同埋各种海鲜 所以就特登book黎同我食～～～佢哋嘅lunch放题 每一位客人都会有一份龙虾 鲍鱼 带子同埋椰皇三重奏甜品 除咗呢个系一次性之外 其他食物例如海虾 海蚬 鲜蚝 人参汤焗蚝海鲜煎饼 青木瓜沙律 串烧 烤肉 天妇罗同埋银纸烧等等 就全部都系任食嘅～～～由于佢哋嘅食物种类繁多所以我就唔一一细讲 拣咗几样特别推介嘅同大家介绍吓～～～首先就系盐烧海中虾 佢哋嘅虾真系好爽口弹牙 而且大大只 估唔到任食都会有呢一个质素嘅虾 另外就系芝士烟肉焗蚝 蚝几大只而且满布芝士 虽然好邪恶 但系真系完全停唔到口 ～～～跟住仲有韩国泡菜 佢哋嘅泡菜味道做得好正宗 无论系连埋啲海鲜一齐食定系连埋串烧一齐食 感觉都好夹～～～另外韩式参鸡汤你都系我想推介嘅食物之一 鸡有鸡味 参有参味 虽然系任食 但系做得完全唔马虎 食完之后感觉好暖胃 好舒服～～～串烧方面 我就最中意汁烧七味鸡软骨串 同冬菇串 前者口感佳 好脆口 个汁味道刚刚好 冬菇就菇香浓浓 加上个汁 整体风味什佳～～～推荐度：