影片
更多
2022-12-06
825 浏览
抵食米芝莲中菜🤩|必食明炉蜜汁叉烧🤤|推荐芝士蟹肉焗酿蟹盖🦀|逸东轩「你宠爱父母亲，我为良朋怜悯，怎算是个好人」逸东轩位于佐敦嘅逸东酒店地下，酒店嘅普庆餐厅出名Buffet款式多元化而闻名，而逸东轩多年荣获米芝连一星更系品质肯定，而且官网不时都有推出优惠，无论同亲朋友好友饮茶或者晚饭小菜都非常高性价比，大时大节庆祝更系一位难求。今次咁啱见官网有晚市优惠就嚟食过返寻味。-驰名烧味双辉-蜜汁叉烧&脆皮烧腩仔 4.4/5⭐️每次食中菜，叉烧系必点嚟试嘅菜式，咁啱逸东轩嘅叉烧都远近驰名，烧味双拼上枱烧腩仔同叉烧都排得好整齐，叉烧色泽亮丽兼且厚切，肥瘦适中不在话中，食落啖啖肉而且入口软稔兼且有肉味完全唔鞋口，不愧系招牌菜推荐之一。另一边嘅脆皮烧腩仔切到一口Size方便入口，皮脆肉嫩，调味亦都恰到好处，两款烧味都非常高质，系每次都必点嘅推荐。-芝士蟹肉焗酿蟹盖 4.1/5⭐️传统星级米芝连都会有依道蟹肉焗酿蟹盖，逸东轩就选择用芝士焗，蟹盖上枱金黄带芝士焦脆，非常吸引，食落理所当然嘅啖啖蟹肉，非常满足，但略嫌芝士抢咗蟹肉嘅鲜甜味，个人稍稍扣分。-蒜蓉粉丝蒸蛏子皇 3.9/5⭐️蝗子皇用料新鲜，蒜蓉粉丝蒸亦
必食明炉蜜汁叉烧🤤|
推荐芝士蟹肉焗酿蟹盖🦀|
逸东轩
「你宠爱父母亲，我为良朋怜悯，怎算是个好人」
逸东轩位于佐敦嘅逸东酒店地下，酒店嘅普庆餐厅出名Buffet款式多元化而闻名，而逸东轩多年荣获米芝连一星更系品质肯定，而且官网不时都有推出优惠，无论同亲朋友好友饮茶或者晚饭小菜都非常高性价比，大时大节庆祝更系一位难求。今次咁啱见官网有晚市优惠就嚟食过返寻味。
-驰名烧味双辉-蜜汁叉烧&脆皮烧腩仔 4.4/5⭐️
每次食中菜，叉烧系必点嚟试嘅菜式，咁啱逸东轩嘅叉烧都远近驰名，烧味双拼上枱烧腩仔同叉烧都排得好整齐，叉烧色泽亮丽兼且厚切，肥瘦适中不在话中，食落啖啖肉而且入口软稔兼且有肉味完全唔鞋口，不愧系招牌菜推荐之一。另一边嘅脆皮烧腩仔切到一口Size方便入口，皮脆肉嫩，调味亦都恰到好处，两款烧味都非常高质，系每次都必点嘅推荐。
驰名烧味双辉
20 浏览
0 赞好
0 留言
-芝士蟹肉焗酿蟹盖 4.1/5⭐️
传统星级米芝连都会有依道蟹肉焗酿蟹盖，逸东轩就选择用芝士焗，蟹盖上枱金黄带芝士焦脆，非常吸引，食落理所当然嘅啖啖蟹肉，非常满足，但略嫌芝士抢咗蟹肉嘅鲜甜味，个人稍稍扣分。
芝士蟹肉焗酿蟹盖
32 浏览
0 赞好
0 留言
-蒜蓉粉丝蒸蛏子皇 3.9/5⭐️
蝗子皇用料新鲜，蒜蓉粉丝蒸亦非常稳阵，蛏子鲜甜爽口弹牙，但唔算有太大惊喜，正常水准发挥。
-冬瓜盅 4.1/5⭐️
侍应会将冬瓜盅另外帮我地分上，大概有6碗嘅份量，材料丰富，味道鲜甜，作为间场中和一下之前菜式嘅油腻感都系非常唔错。
-砂窝姜葱乳香鳕鱼 4.1/5⭐️
砂窝上枱仲系冒住丝丝白烟，新鲜出炉，餐厅将鳕鱼切粒再包裹炸粉处理，外脆内嫩，鱼肉又入口即溶，但系伴以甜酸酱就令鳕鱼粒食多几旧之后就有少少油腻感，稍稍扣分。
-糖水
蛋白杏仁茶汤圆 4/5⭐️
杏仁茶香滑又浓味，加埋汤丸作结，令人非常满足，唔抗拒杏仁茶味朋友推荐一试。
杨枝甘露 4.1/5⭐️
杨枝甘露好重椰芒味，而且够冻，中和番前面菜式嘅油腻感，作为依餐嘅尾声都非常唔错。
红枣雪耳万寿果 3.9/5⭐️
好滋润，亦可以清到油腻感，但无太大特色，正常水准发挥。
–
总结:逸东轩作为老牌嘅酒店中菜厅，荣获多年嘅米芝连一星殊荣，而且酒店亦不时推出优惠，性价比好高，可以令大家大饱口福，非常推荐想同屋企人庆祝食中菜嘅朋友，不过稍稍扣分就系餐厅侍应人手似乎不足，多次帮衬亦发现侍应非常忙碌甚至唔见人影嘅情况，而且有时帮衬饮茶亦有漏单情况，不过侍应知悉后都立即妥善处理。
====
逸东轩 佐敦)
📍佐敦弥敦道380号香港逸东酒店B2楼层
====
#逸东轩#Jordanfood#佐敦美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相机食先 #香港美食#米芝连#精致点心#叉烧烧肉
有兴趣睇更多好西推介，或者大家有好西Share，请大家Follow下我IG，比D支持✨：@healoop.foodie
张贴
