天天海南雞飯 (新城市廣場三期)

营业中

休息中

系沙田行完街揾野食，见到呢间干净企理就入黎食。店员推介我地食2人餐，就试一试佢! 呢个2人餐都几抵食，一开始上左个汤，系凤梨凉瓜干贝炖龙骨，成个感觉系好足料! 唔似味精汤，几好。虾皮素肉松冻豆腐有惊喜! 唔似一般凉拌咁死咸，个豆腐咁食又好滑! 黑松露墨鱼虾多士果然系人气之选，多士系外脆内软，入面包住黑松露墨鱼，好香口，面上有少少酱汁，令到冇咁单调。重头戏一定系天天海南鸡，份量比想像中多好多，鸡件好滑，本身有个茨系面，仲有3个酱可以点，有姜蓉，有黑豉油，个人最钟意中间个款，辣辣地，食落似冬阴公味! 配埋鸡油饭食真系一流! 跟餐仲有个菜，叫左炒通菜，又系大大份，好抵食! 野饮叫左美禄恐龙，好好饮，好浓郁!