潮成園手打魚蛋大王 (通菜街)

营业中

休息中

今日落旺角逛逛，行到咁上下有啲肚饿，咁啱见到呢间《潮成园》门口有大大个招牌介绍啲下午茶餐，睇落好抵食，咁就入去试试。食肆面积唔算大，冇乜特别装修，不过都算干净企理。餐牌上嘅选择，亦同一般粉面店差唔多。我叫咗碗牛筋面再加碟生菜($28)，转头即上枱，先呷一口汤，汤头味道唔错，牛筋炆得够入味，软硬适中 ; 幼面亦爽滑弹牙。碟生菜份量都唔算少，加埋蚝油食，OK喇。今时今日，廿多元有碗粉面，有碟油菜，真系好抵食，虽然食物唔系超出色，但绝对符合一般水准。咁抵食，难怪不停有客入嚟帮衬。