野川拉麵の鮮鍋道場 (已結業)

老公牛一，但又要喺元朗接个女放学，唯有喺元朗食，谂起有间新开嘅粥底海鲜火锅， 近近哋带埋两个女， 就嚟庆祝下。餐牌 - 大人可以食粥底海鲜火锅，小朋友唔过120cm 平日就只需加58蚊就可以食出面自助餐区。先黎刺身拼盘， 有三文鱼，甜虾，油甘鱼 ，八爪鱼， 刺身质素唔错，几新鲜。海鲜拼盘有生蚝，鲍鱼，蟹，带子，大虾，同埋蚬，包罗万有。特别一赞嘅系蟹，鲜味十足，放落锅度即刻散出浓浓既蟹味。 蟹肉入口鲜嫩弹牙，食得出系非常新鲜。再点6款， 西班牙黑豚肉，雪花肥牛，鱼皮饺，手打猪肉丸，台湾猪肉肠和炸鱼皮。 咁多款式，其实已经半饱。呢个时候，店员为我地准备埋主角- 粥。粥非常鲜甜，食落仲有蟹嘅味，加埋蛋花，葱粒，菜脯粒 ，口感十足，系今晚既精华。出面自助区，有熟食，汤，甜品，饮品。小朋友食得好开心。