影片
更多
2018-10-29
174 浏览
餐厅位于屯门蓝地大街，都唔算好难揾，由青山公路向季季红推进， 不消三两分钟，见到呢个大大个嘅德国啤招牌就系架喇。之前上网睇过其他食友嘅相片都知道呢度有个户外嘅area ，今日亲身体验真系别有洞天，喺门口进入之后，先会经过一个较细嘅用餐区，跟住从后门走出去，广大嘅户外区域就呈现喺你眼前，我估呢度闲闲地都坐到成百零人，户外嘅枱櫈都以木系为主，极具园林嘅风味，喺木制嘅摇摇椅上面影相，够哂呃like，餐厅仲欢迎包场活动添。嚟得食蒸气锅，海鲜当然系主打嘅项目，喺户外区域有一个位置，整咗一个海鲜档，即㓥即食就够哂新鲜啦。嗌咗个大盛石锅蒸气套餐，套餐包括多款精选海 鲜，前菜仲有沙律同冷乌冬添，海 鲜包括龙虾，红蟹，大蛏子，特大扇贝，海虾，花甲，贵花蚌，贝贝蚬，沙白蚬，蕃薯蚬同流浮山新鲜走地鸡，够哂气势。海虾，海虾个子不少，只只都有成只手板咁长，重点系虾头蕴含大量嘅虾膏，用甘香嘅虾膏嚟𩠌弹牙嘅虾肉，完全唔洗点豉油都咁鲜味。特大扇贝，肉质爽甜，一啲都唔靱，加少少葱花更加香口。贵花蚌，新鲜嘅贵花蚌甜味突出。流浮山新鲜走地鸡，走地鸡风味确系一绝，鸡味特浓，零舍唔同。龙虾，龙虾爽口弹牙，用蒸嘅烹调方法令到每一
餐厅位于屯门蓝地大街，都唔算好难揾，由青山公路向季季红推进， 不消三两分钟，见到呢个大大个嘅德国啤招牌就系架喇。
之前上网睇过其他食友嘅相片都知道呢度有个户外嘅area ，今日亲身体验真系别有洞天，喺门口进入之后，先会经过一个较细嘅用餐区，跟住从后门走出去，广大嘅户外区域就呈现喺你眼前，我估呢度闲闲地都坐到成百零人，户外嘅枱櫈都以木系为主，极具园林嘅风味，喺木制嘅摇摇椅上面影相，够哂呃like，餐厅仲欢迎包场活动添。
嚟得食蒸气锅，海鲜当然系主打嘅项目，喺户外区域有一个位置，整咗一个海鲜档，即㓥即食就够哂新鲜啦。
嗌咗个大盛石锅蒸气套餐，套餐包括多款精选海 鲜，前菜仲有沙律同冷乌冬添，海 鲜包括龙虾，红蟹，大蛏子，特大扇贝，海虾，花甲，贵花蚌，贝贝蚬，沙白蚬，蕃薯蚬同流浮山新鲜走地鸡，够哂气势。
海虾，海虾个子不少，只只都有成只手板咁长，重点系虾头蕴含大量嘅虾膏，用甘香嘅虾膏嚟𩠌弹牙嘅虾肉，完全唔洗点豉油都咁鲜味。
特大扇贝，肉质爽甜，一啲都唔靱，加少少葱花更加香口。
贵花蚌，新鲜嘅贵花蚌甜味突出。
流浮山新鲜走地鸡，走地鸡风味确系一绝，鸡味特浓，零舍唔同。
龙虾，龙虾爽口弹牙，用蒸嘅烹调方法令到每一啖龙虾肉都咁JUICY。
红蟹，蟹膏多过蟹肉，正。
临尾底下煲粥吸尽以上所有海鲜嘅精华，粥底绵滑不特止，食落仲份外鲜甜，我仲特登留番啲海鲜嚟个自制海鲜粥添。
张贴
