The Joomak (已結業)

今日同我家男神去食韩国菜，去到行到最入面既座位，可以望住一望无际既维港景色食饭，特别赏心悦目。睇睇餐牌好多款都想食，但得两个人所以决定叫个下午茶set加份炸紫薯芝士脆片。下午茶set好丰富，有沙律、韩式素肉饭卷、泡菜芝士豚肉三文治、甜辣炸鸡、朱古力雪糕、两杯饮品。沙律菜新鲜，加上小蕃茄配合胡麻酱，味道好fresh。泡菜芝士豚肉三文治，豚肉嫩加上泡菜带点微辣，夹住芝士蕃茄，味道一流。甜辣炸鸡鸡肉嫩滑，配上甜甜辣辣酱汁，丰富味蕾。炸紫薯芝士脆片两片紫薯夹住一大块芝士，一咬落去半林半脆既紫薯片香甜，芝士味浓可以拉到好长好长丝，非常美味。是次消费$2xx，最入面座位可以望到维港海景，食物卖相靓又好味，值得推介。