御名園

营业中

休息中

喺网上订咗个优惠4人餐，近近地同屋企人去试吓～套餐一共有8道菜，当中见到有御膳佛跳墙灌汤饺、孔门鱼咬羊同黑白胡椒烧鹅皇都几吸引！御鲜荟八道菜「4人盛」沙姜猪手拼酱香小青瓜御膳佛跳墙灌汤饺X0酱碧翠炒兰花蚌孔门鱼咬羊甜品沙姜猪手拼酱香小青瓜前菜先嚟一碟沙姜香茜猪手同酱香爽脆小青瓜。两款都系冻食，好适合夏天，前者猪手皮入口爽脆，带淡淡沙姜香。后者带咸酸，入口同样爽脆，相当醒胃。御膳佛跳墙灌汤饺最期待嘅一道，本身钟意食灌汤饺，今次仲要系佛跳墙灌汤饺！灌汤饺外皮够薄，唔止入面馅料饱满，佛跳墙汤底有花胶、鲍鱼、海参、翅同虫草花，真系好足料！XO酱碧翠炒兰花蚌相对惹味嘅一道，XO酱带微辣，除咗有兰花蚌外，仲有甜豆、云耳、黄椒同红椒。所有蔬菜都好爽口。孔门鱼咬羊黑白胡椒烧鹅皇最多道菜之中，我最钟意依个黑白胡椒烧鹅皇！鹅皮烧得好光滑，皮下脂肪唔会太多，鹅肉嫩滑带鹅香，热辣辣食真系好香口！红茄鲜竹泡菜苗除咗XO酱碧翠炒兰花蚌外，仲有多一款蔬菜类，红茄鲜竹泡菜苗，当日用咗小白菜，仲有少量腐竹同木耳，清清地可以去下腻～干煏金砖马拉糕食完以上咁多道菜式之后，仲有金砖马拉糕，虽然只系每人一件，但当时其实已经好饱