影片
更多
2024-01-11
11 浏览
过完年M 记都贵左好多，百物腾贵，打工仔人工又冇乜得加，真系要精打细算. 今次为大家推介呢间尖沙咀性价比极高开业不到一年嘅Crusta. OMG 一个餐最平$59 就有了，有个自家特制薯蓉批+薯条+牛油鸡翼+沙律+饮品. 贵少少$79 就有个八吋大pizza set. 重点系餐厅老板好注重健康，宁愿高成本同高难度啲，由馅料到饼底都唔坚持唔落牛油或起酥油，而系以天然大米酵素及麦芽酵母发酵，只会加入少量橄榄油，啱晒爱美爱体型人士，一啲都唔邪恶呀，食落真系冇咁滞同热气，而且所有食物每日新鲜制造，全部用上新鲜食材非雪藏. 温提like 餐厅社交平台仲会有块免费朱古力曲奇（价值$10）可以又食又拎，好满足. 餐厅用蓝白色主打走简约风，感觉光猛开扬舒适，加埋背景轻快外语歌曲，好chill 呀. 店员姐姐态度非常有善，抵赞👍我哋两个餐各叫一个，试齐两个主食/沙律同炸物. 意犹未尽再加多个pizza 同crusta, 超饱. 饮品冇加钱可以叫soft drinks ，都可以豪d 加$5 𨍭新鲜涷柠茶. 前菜菜丝沙律同杂菜沙律清新开胃. 炸物甜蕃薯条及蔬菜饼各有特色难分高下，炸得够香脆而食材本身味道亦冇
我哋两个餐各叫一个，试齐两个主食/沙律同炸物. 意犹未尽再加多个pizza 同crusta, 超饱. 饮品冇加钱可以叫soft drinks ，都可以豪d 加$5 𨍭新鲜涷柠茶. 前菜菜丝沙律同杂菜沙律清新开胃. 炸物甜蕃薯条及蔬菜饼各有特色难分高下，炸得够香脆而食材本身味道亦冇被掩盖. 蔬菜饼由新鲜洋葱丝，红萝卜丝加薯仔丝等制成，口感丰富. BBQ蜜汁鸡翼细细只不过几好肉地.
Crusta由香脆饼底、薯蓉、蔬菜和半融芝士制成. 有六款可供选择. 呢度食批会跟手套，揸住一啖豪迈地咬落去更滋味. Pizza 有3 款酱料做底8 款配料选择，主食帮衬多几次都唔怕闷.
#招牌免治牛肉馅批
个批质地结实但咬落松软散发淡淡麦香，感觉好似食平时英式牛肉批咁，内藏满满的免治牛肉，肉汁丰富，上层铺满新鲜薯蓉加上半融芝士，新鲜西兰花及红萝卜粒，一个批集齐每日营养所需，男女老幼皆宜.
#甜泰式辣酱鸡肉馅枇
味道酸酸甜甜，个人更喜欢呢个批，配上菠萝、生菜、鸡肉，感觉更清新轻盈，先食呢个批再食牛肉批真系多多都食得落.
#印度咖喱鸡薄饼
以橄槛油蕃茄同焦糖化洋葱做主调，配上香浓咖喱酱，鸡肉份量不少而肉质亦十分嫰滑，饼底脆薄似饼干. 咬落过瘾.
#精选香肠薄饼
用上烤菇同蒜蓉打底味道偏重咸口味，配上啖啖爽口肉香肠，有鲜甜翠玉瓜可中和解腻.
整体呢餐性价比十足，去开尖沙咀真系要支持下咁有心坚持健康新鲜嘅小店，希望开多啲分店啦就可以平平地开饭.
张贴
