煮道 (已結業)

今晚冻冰冰，岩岩行开上环呢头，就系openrice度search 下有无得打边炉~ 见到呢间评分唔错，于是就过黎睇下啦~ 果然无失望! 今晚星期五，人比较多，呢度有点像快餐店，自己去柜台度埋单的，但环境都算舒服。8点松D到，等左10分钟左右。见到店内只得几位店员，难得既系佢地都好有礼貌，虽然忙到踢晒脚~ 好快就安排到入座啦~坐低之后，见佢选择都唔错。男友食肉，我就食海鲜，于是，我点了一个海鲜锅，仲要系加大的($168)，店员推介蕃茄汤底。问店员加大同唔加大($118)有咩分别，原来$118细份系每样海鲜得一件，加大呢就每样两件~难得黎到，又肚仔饿，梗系要个加大啦~男友果个牛肉锅都抵食，$98连饭，野饮另叫，都系$22大大杯~终于黎啦~本黎以为坐路边有机械人送餐，结果都系店员推车仔过黎~唔紧要咯开餐先~有惊喜呀!虾系有鲜味的，仲有我最欣赏系佢既姜汁皮旦丸!! 系第二度完全无试过，觉得个味配合得好好，食完之后仲忍唔住加单，叫多3粒($14)。想赞一赞既系(好耐未试过去食店感觉咁好)，店员虽然真系忙到飞起，但真系有求必应，又会推介下食材，见到佢地都多熟既食客，我估应该系试过再返转头的~唔错唔