Rimi Cafe (已結業)

虽然圣诞新年长假期，但因为二人限聚令，想约多几个姊妹下午茶都好难。今日就揾个靓妈姐妹Tea一Tea、吹下水。佢选咗呢间有猪黄店，大家都未食过，即管试吓，仲发现可以openrice online reserve，正，方便。餐厅系楼上舖，唔太大，门口及餐厅内墙壁都有好多特式设计及摆设，值得细看。一入去就充满芝士味，可能有人order左pizza。始终旧楼楼上舖通风系统真系麻麻，加埋Open Kitchen, 油烟味就要啲时间适应。食物方面就好好味，抵食夹大件。我哋order左个二人餐，有面包、南瓜汤、一款小食、两个主菜及饮品，都唔使$300。小食：蜜糖鸡翼：香甜美味主菜：烧猪肋骨：好好味既猪肋骨，入味又唔会韧，好味过好多美式连锁餐厅。主菜：香辣虾炒天使面：正常，唔会好辣，面质同虾都爽口。总括嚟讲，食物味道好，价钱抵，系环境清洁一般，梳化椅因为系布料，都有啲食物渍，洗手间就太污糟，好扣分。