CUL DE SAC

营业中

休息中

兰桂坊除咗饮酒之外都有唔少隐世小店，呢间主打美式汉堡，另有芝士三文治、薄饼、沙律、小食供应。依家仲做紧优惠，$99鸡翼薯条任食同酒精畅饮放题，适合同朋友仔过嚟Chill。午餐时段另有餐单，当日六点左右到访都仲有得叫🤣 私心推介安格斯牛汉堡，手打牛，唔算好厚但胜在牛味突出且真材实料，煎紧嘅时候已经问到超级香喷喷嘅味道，果然系招牌菜。唔钟意食牛嘅都有炸鸡，鸡肉调味偏清淡，嫩滑啖啖肉，面包软身，薯条炸至酥脆可口而且唔油腻，健身人士可以试试。轻食之选有鸡卷，建议叫鸡髀肉因为会更加嫩，层次感丰富，唔错。