成都老碼頭火鍋 (已結業)

门面已经古色古香，内里空间大，打边炉好舒适。同其他好多火锅店一样有酱料区，但最不一样就系有自己一罐罐既油碟，充满自己特色，可以降低食物温度。火锅料选择都好丰富，又有其他小食拣。入座打咭已送百事生可乐，微信点餐再送汽水，真系饮品钱都悭返。不过最正都系订座截图赠送Prime极品牛小排半份，你以为送既野唔会系正野，佢就送高质牛，雪花纹靓，仲要冰镇，入口香嫩，食呢个都赚返。价钱仲有惠优 : 19:30前离座或21:30后入座，有68折，其余时段都有88折。打边炉饮啤酒既，$9 蓝妹/ Hoegaarden生啤。宫庭药膳汤药膳汤清清地，感觉健康，药膳味唔会腻，不同的火锅材料都岩。日本 A4牛颈脊脂肪较少，有咬口，味道鲜甜。蒙古羊肉片羊肉膻香，口感爽。老友鬼鬼（墨鱼滑）油炸鬼配墨鱼滑，只需轻轻一灼，墨鱼滑好弹牙。七彩缤纷丸子拼稻庭乌冬（一客两个)一次上七款(弹牙牛筋丸，龙虾沙律丸，顺德鱼腐，黒椒马啼猪肉丸，咸蛋流沙鱼蛋丸，码头鲜虾脆肉肠，芝士小笼包)，每款两粒，岩晒二人火锅又唔食得多，连埋稻庭乌冬一样一客两个。即炸响铃脆卜卜的即炸响铃，秒速入火锅汤就要食。手工韭菜饺饱满，唐生菜新鲜爽脆。