大勝丼 (已結業)

去大胜丼食嘢需要有啲耐性，除咗等位耐之外，即使有幸坐低咗，由于店员实在太忙，要有心理准备想要杯水都可能要等到地老天荒😆，证明佢哋有几受欢迎。受欢迎嘅原因系性价比高，例如我叫呢个自选丼饭，有大大 pat 蟹膏，甜虾，北寄贝同三文鱼腩，随餐仲附送味噌汤同雪米糍，夹埋都系百松啲蚊，认真大件夹抵食👍。味道方面，鱼生都几新鲜，特别系蟹膏，好鲜甜，绝对对得住呢个价钱。另外想赞一下碗味噌汤，非常好饮😋，唔似一般舖头咁用汤粉冲出嚟。对面位叫咗个角切鱼生便当，包括三色刺身，沙律，炸蚝同角切鱼生饭，又系大大份，我试咗嚿炸蚝，炸得外脆内软，热辣辣，好食。最后仲叫多两个小食，炸蟹肉奶油薯饼好 creamy，有啲腻，日式清酒煮蚬虽然份量比较少，但系只只肉质鲜甜入味，好正🤤。总括嚟讲，就系好满意嘅一餐😌。