囍 (已結業)

已经食过囍好多次，今次同同学聚会，又再拣返呢间火锅店一路都觉得呢到嘅椰子鸡煲好好食，而且价钱都好亲民，以下系餐牌：$138一人系有猪同限量嘅鸡，$148系猪、牛、鸡任食。另外出面仲有好多配料任夹，有蕃茄、金菇、不同款式嘅菜，之前有一次黎食过仲有秋葵添。大约7点都仲未有好多人，之前试过如果唔系好满座嘅话，系唔会计住要你90分钟就走，可以食到两个几钟。不过今晚好多人订枱，所以都系要90分钟食完餐具等等都非常整洁。因为椰子鸡出名，所以一黎就有埋沙姜同埋青柠汁，食𠮶时记得落呀！我地嗌左$148一人，试左寿喜烧汤底，但因为太咸，所以要系咁饮野，饮饮下都饱。建议大家如果叫都系叫返木瓜椰青汤底，煮鸡真系非常好食！鸡件任何一部分都好滑，正！酱汁选择都非常多，有齐炸蒜，普通蒜，七味粉，葱，辣椒，麻酱等。呢到仲有好多得意小食，例如呢个就系绿茶面，其实食落去唔算好有绿茶味，但个样都几靓几得意计埋加一，每人都系食左163蚊，价钱唔算好贵，食物种类亦多。另外如果平日黎基本上都唔洗等位，地方好阔落，完全唔会好逼！