撈喜 (已結業)

今日同同事在筲箕湾东大街食饭，咁多餐厅选择，最终被呢间捞喜嘅花胶捞面吸引左。大家拣左三个午餐，一个蒜香牛油龙虾黑椒带子宽条面$98, 可以加28蚊推广价，换购冰镇鲍鱼，当然要试下啦。 一个招牌花胶捞虾子面$68, 一个日式花胶捞荞麦面$68。招牌花胶捞虾子面， 上桌见到好多蚝油芡汁，估佢应该都好味。食落不得了，花胶好大块，大过只碗仔，仲有蚝油芡汁，咸淡适中，非常夹味。虾子面真的有好多虾子洒在上面，黏著粗面食，香味超浓，面质也爽口。花胶底部遮住咗一嚿大花菇，也是炆到好入味好淋，$68交足功课，觉得好好味！蒜香牛油龙虾黑椒带子宽条面， 估唔到龙虾有半只咁多，仲谂住系拆肉俾几旧你，有惊喜。宽条面是西式的，有芝士汁，好fusion感觉。 宽条面食落好烟韧弹牙，芝士汁好香浓，好味！龙虾走过油，但不觉油腻，肉质爽口，蒜蓉好多，交足功课！ 日式花胶捞荞麦面， 点解唔见咗花胶嘅？原来白色切丝的就是花胶。冻食的花胶又有唔同口感，食落比较烟韧冇咁淋的。因为拌了日式芝麻酱，有点像沙律的感觉。日式芝麻酱非常香，另外再多洒了芝麻，所以芝麻味非常香浓。荞麦面口感烟韧，有麦香，所以伴著芝麻酱食，的确很有日式感觉。