新濤園茶餐廳 (已結業)

煲仔饭食得多，煲仔面真系未试过！今次约埋个麻甩朋友去试一试夜晚七半去到，入座率达七成，同朋友好快就点咁八珍豆腐煲同牛腩煲仔面！等咗五分钟就食得啦！热辣辣的八珍豆腐煲有豆腐、猪肚、猪润、秀珍菇、猪肠、腩肉，食到底仲有好多白菜仔，正呀！最重要系每款配料都好味！猪肚同小肠好爽、猪润又够厚身、至于菇同豆腐就吸晒酱汁，非常入味！煲仔面都非常出色，送到嚟系成个面饼，建议呢个时候先食配料！牛腩真系多到数唔晒，搭配牛筋，牛腩王必点！我同朋友都唔算食得快，食到最尾，面质都唔算太稔以后去旺角食快餐除咗谭仔，又多个选择啦