時代冰室 (環球工商大廈) (已結業)

午市时间黎到九龙湾，野食选择都几多，想食间大份抵食既茶记，就拣咗食时代。其实餐牌仲有好多选择嫁，不过我自己就拣咗个特餐。真系大食既男士都够食呀，有个牛角包同火腿奄列，奄列又滑又好味。瑞士汁捞面除咗有瑞士汁味之外，仲有啲葱油味，捞得好香好惹味。瑞士鸡全翼就麻烦啲，要用刀切，其实如果系鸡翼就仲方便。除此之外，仲有粒蛋，食埋真系饱到上心口。九龙湾好多office，唔想等位既记住早小小黎拎位喇。我一点到，等咗10分钟有位。下次我会想试下其他扒餐，我见隔离枱食都几大份，望落都好吸引。