品味冰室

营业中

休息中

今日返工早咗出门口，吾想咁早返公司，决定去揾间餐厅叹返个靓早餐先。见到有间新开啲餐厅，可能吾系新开（我好少食早餐😂 所以平时无留意啲餐厅）就行入去食早餐。见餐厅好大好多位，客人都吾少，应该几好食挂。港式早餐都系果啲，但都唔系间间煮得好食，睇吓呢间好吾好食先。我叫咗一个常餐，王牌吉列猪扒配火腿奄列及蒜蓉多士，份量嚟讲，算好大份，个奄列都有半只碟咁大，吾会炒到干晒，有蛋汁，吾错吾错👍🏻吉列猪扒都系大大块，我觉得佢真系炸得吾错，表面金黄色，内里有肉汁。一般茶记大家都应该食过果块硬到好似牛肉干咁嘅猪扒，呢间真系好味。配合莎律酱，有一啲甜味，入口减去了油腻的感觉👍🏻想讲埋块蒜蓉多士，估佢吾到，块面包吾会硬过床板，软软的感觉，加上好香嘅蒜蓉酱，哗，真系好好味。今日虽然早咗出门口，但竟然比我发现咗咁好味嘅早餐，下次早咗出门口，我一定要再去食下其他早餐。