茶舍 (MOSTown新港城中心(5期))

营业中

休息中

今日去朋友屋企，顺便喺附近嘅茶舍买埋外卖上去。见到门口都要排一阵队，睇嚟午餐时间都好多人过嚟帮衬呢～餐牌上有好多唔同嘢食可以选择，蛋包饭、意粉、焗饭、长通粉应有尽有，仲有套餐同常餐。我哋叫咗两个主食加埋沙律🥗同饮品，人均都唔做 $100，估唔到份量都好多，好抵食呀！✨菠萝鲜茄三层焗猪扒饭猪扒厚身又够嫩，香口松软，仲夹住肉汁，加埋蕃茄嘅酸味同菠萝，味道非常丰富！而且因为即叫即焗嘅关系，点餐嘅时候，店员都提我哋要等一等呀，加埋外卖锡纸盒包住，上到楼依然热辣辣！✨香浓鲜茄汁鲜虾蚬扁意粉扁意粉同样鲜茄味香浓，酱汁浓稠之外，扁意粉弹牙又挂汁，配埋新鲜既大虾同蚬，味道唔错。✨烟肉凯撒沙律午餐想食少少菜，叫埋沙律就啱晒啦～沙律材料包括烟肉、罗马生菜同车厘茄等等，好味又健康，想食简单啲午餐，可要叫返份呀！