城意 (已結業)

同同事一齐出去食饭，行过见到呢间餐厅新开，餐牌睇落都吸引，一于去试下。🔎 葡式烤肉拼盘配薯条（2人用）呢个系午市每日优惠，日日都有唔同选择。今次就系葡匞烤肉拼盘配薯条，包装猪扒、牛扒、鸡扒同肠仔，全部都好有肉汁。不过肠仔系黑椒味，太辣啦。薯条系蕃薯条，我地大家都估唔到，不过佢好脆。🔎珍珠带子栗饲巴马火腿葡国炖饭上枱外观都算靓，味道就正正常常，不过不失。🔎牛油果芒果蟹肉烤夹欧包成个欧包烘得好脆，配上芒果牛油果酸酸甜甜，但蟹肉份量太少，唔太食得出。以上套餐包括任食自助沙津吧、餐汤&是日果茶。是日餐汤系忌廉汤，几好果。但佢上枱系用杯装，进食比较麻烦啲。果茶唔会太甜，都有饮到淡淡既生果味。