影片
更多
2017-01-10
507 浏览
喺鲗鱼涌上完堂,家长介绍我去呢间酒楼有蒸海鲜套餐食,佢食个话都几抵食,横掂都谂唔到食乜嘢,所以就黎试吓啦!$398一位,已经有花竹虾,蛏子,大元贝,石蚝,北寄贝,贵妃蚌,仲有奄仔蟹添!最重要梗系有个粥底啦!呢个粥底仲有南瓜添!呢度个蒸炉有埋时间制,set好时间就会响,今晚仲要有店员帮手蒸海鲜,我净系坐喺度负责食!店员会计啱晒时间轮流蒸,首先系花竹虾,超大只好鲜甜！然后到蒜蓉粉丝蒸蛏子,之后就到奄仔蟹,蒸完奄仔蟹之后佢就停一停俾我哋处理左只蟹先.接住落嚟嘅几样海鲜都非常之新鲜同埋好味,店员嘅服务亦都非常之好,每食完一两样嘢就会同我地换过晒啲碟.最后仲有手打丸三款同埋粟米.重点当然系南瓜排骨粥啦！所有海鲜嘅精华都系晒个粥度！加埋南瓜嘅甜味,真系几饱都可以食到两碗吖！
$398一位,已经有花竹虾,蛏子,大元贝,石蚝,北寄贝,贵妃蚌,仲有奄仔蟹添!最重要梗系有个粥底啦!呢个粥底仲有南瓜添!
呢度个蒸炉有埋时间制,set好时间就会响,
今晚仲要有店员帮手蒸海鲜,我净系坐喺度负责食!店员会计啱晒时间轮流蒸,首先系花竹虾,
超大只好鲜甜！然后到蒜蓉粉丝蒸蛏子,
之后就到奄仔蟹,蒸完奄仔蟹之后佢就停一停俾我哋处理左只蟹先.
接住落嚟嘅几样海鲜都非常之新鲜同埋好味,店员嘅服务亦都非常之好,每食完一两样嘢就会同我地换过晒啲碟.
最后仲有手打丸三款同埋粟米.
重点当然系南瓜排骨粥啦！
所有海鲜嘅精华都系晒个粥度！
加埋南瓜嘅甜味,真系几饱都可以食到两碗吖！
张贴
