唐記包點 (北角中心大廈)

营业中

休息中

今日收工后紧接有活动，要准备就无时间出街食，谂起附近有间唐记，晚餐一于揾佢搞掂。咦，价钱同上次𠮶间有唔同㖞，仲有店舖限定特别优惠添，咁抵，买多几个包做早餐。豉椒排骨饭$20豉椒排骨香喷喷，口感软腍有肉香，饭粒软熟粒粒分明，原来选用泰国米，唔怪之得咁香啦。最钟意啲饭有新鲜菜跟，入盒时先至夹入去，好贴心。章鱼肉饼饭$20闻到好香章鱼味，同事话好食。足料糯米鸡$24糯米鸡有荷叶香，糯米软腍，挂住食，无影到有咩馅添，同事话味道好得。呢啲包拎返去做早餐，个个都差唔多样，点分辨系边种包呢?原来包底招纸有写名，咁就唔会拎错口味啦。我都系最钟意菜肉包。