冰室小菜館 (北帝街)

营业中

休息中

夜晚唔想煮饭，于是就系附近茶记食饭。记得呢到啲蒸鱼饭唔错，所以就嚟呢到食。呢到选择好多，不过都系一般茶记嘅食物，亦有少量嘅海鲜食。我地一行4人叫左2条蒸鱼（黄花同盲槽），一碟虫草花云耳蒸鸡，一碟沙姜鸡食。最好嘅系佢可以另外加45蚊叫左半斤虾。由于最近啲虾都唔平，所以见价钱唔贵都叫左嚟食。蒸鱼好滑又大条，食得出系新鲜鱼。重点系价钱好平，63蚊，呢个价钱包一碗饭同野食，真系无投诉。系虫草花云耳蒸鸡贵啲，80蚊。如果要饭同野饮（套餐）要加10蚊，不过夜晚唔食咁多饭都唔洗加。碟蒸鸡虽然贵啲，但份量都好够，估计有半只。最后埋单3百几，每人82蚊到都过得去啦。。。