影片
更多
2021-01-25
1600 浏览
呢日全家都可以在家工作，但我就要出一出去同同事交收文件，所以顺便喺𠮶头买外卖返屋企比大家做午餐🥢。住九龙湾嘅同事介绍得宝商场有间泰菜唔错，餐厅名叫「曼谷车站」。餐厅面积几大，店内外座位都有，环境装修亦配合番主题：火车🚄。我望入店内，座位设计好似都几宽躺，闲日喺度食晏嘅人比想像中多好多。餐厅有提供午市套餐，全部都可以外卖。价钱非常大众化，绝大部份$50楼下就有交易。🇹🇭泰菜选择种类繁多，包括炒饭、炒河、汤面同咖喱等，实在令人眼花撩乱。另外，午餐系包热饮嘅。正宗泰式海南鸡饭($53)，海南鸡同油饭分开上，当中更不乏食海南鸡嘅三种酱料：黑豉油、葱油同辣酱，呢度冇因外卖而悭皮。🍚油饭香而不腻，饭本身亦够软熟，份量就啱啱好系一个饭碗嘅量。至于海南鸡🐔，虽然唔系去骨，但都有几多肉，肉质中规中矩，不过好在鸡皮一条毛都揾唔到。冬阴功炒饭($48)，呢个炒饭同我想像中一样咁好食😋。不过我都利申返，我系超钟意食冬阴功味嘅食品。炒饭炒得好均匀，每粒饭都食得出冬阴功味，味道浓郁，辣味唔系好劲，但都明显食到，超正。炒饭面头加送一只煎蛋🍳，同时亦有加入鲜虾，绝对唔系得饭咁单调。 泰式炒金边粉($48)，金边粉比我
呢日全家都可以在家工作，但我就要出一出去同同事交收文件，所以顺便喺𠮶头买外卖返屋企比大家做午餐🥢。住九龙湾嘅同事介绍得宝商场有间泰菜唔错，餐厅名叫「曼谷车站」。
餐厅面积几大，店内外座位都有，环境装修亦配合番主题：火车🚄。我望入店内，座位设计好似都几宽躺，闲日喺度食晏嘅人比想像中多好多。
餐厅有提供午市套餐，全部都可以外卖。价钱非常大众化，绝大部份$50楼下就有交易。🇹🇭泰菜选择种类繁多，包括炒饭、炒河、汤面同咖喱等，实在令人眼花撩乱。另外，午餐系包热饮嘅。
正宗泰式海南鸡饭($53)，海南鸡同油饭分开上，当中更不乏食海南鸡嘅三种酱料：黑豉油、葱油同辣酱，呢度冇因外卖而悭皮。🍚油饭香而不腻，饭本身亦够软熟，份量就啱啱好系一个饭碗嘅量。至于海南鸡🐔，虽然唔系去骨，但都有几多肉，肉质中规中矩，不过好在鸡皮一条毛都揾唔到。
冬阴功炒饭
$48
22 浏览
0 赞好
0 留言
泰式炒金边粉
$48
25 浏览
0 赞好
0 留言
湿炒猪肉河($45)，湿炒河份量同重量都系十足，餐厅用一个大汤碗装住河粉，但咁样有啲难夹，所以我倒落碟食方便啲☺️。除咗有好多块大猪肉片外🐷，炒河仲配以大量蔬菜，例如有菜芯、粟米仔同草菇等，超级丰富。唯一有少少可挑剔嘅地方就系河粉碎咗啲。
总括嚟讲，我全家都对呢餐泰国午餐非常满意💯，因为全部都好好味，特别系冬阴功炒饭同泰式炒金边粉。估唔到街坊店嘅出品都咁有质素，下次经过一定会再帮衬。题外话，呢度嘅外卖包装包得好好🥡，所以全部野都唔易泻。最后，门面嘅店员姐姐仲超级亲切好人添，抵赞啊。
张贴
