影片
更多
2023-05-19
594 浏览
2023年5月8日 星期一今日放工之後專登過去沙田圍接老婆收工，見時間尚早，就諗住喺附近買個外賣返屋企食下喺博康邨街市裏面見到呢一間店舖，由店舖名可以睇得出應該係甜品店行緊啲見到餐牌，上面有好多唔同種類嘅甜品，主要係豆類製品，有豆腐花系列、豆乳系列，連芋圓桃膠都有，另外仲見到有提供炸物添，價錢真係好貼地，擺到明做街坊生意，於是決定幫襯下，帶返屋企食返到屋企打開呢一個一口炸燒賣仍然係熱辣辣，外皮撒咗少少准鹽，食落去幾香口，外皮有少少脆，裡面好煙韌，而且$18仲有9粒，都真係幾抵食！！呢一個係我要嘅芋圓3號，一睇落去就已經見到落足料，裡面分別有三色芋圓、紫米、仙草同花奶，而下面仲有豆腐花添，所以每一啖食落去都好豐富，令到本身冇乜味嘅豆腐花多咗好多味道，而且豆味好濃郁至於老婆就要咗紅豆豆腐花加三色芋圓，佢話紅豆同豆腐花好夾，甜甜地幾好食，而且紅到起晒沙，份量足足有半碗咁多，所以佢食得好滿足最後我哋再share咗一碗芝麻糊豆腐花，留返食完晚飯之後食，本身芝麻糊同豆腐花都好夾，食落去既有芝麻嘅濃香，又有豆腐花本身帶出嘅豆味，仲更加滑溜添，本身餐廳仲附有黃糖，不過我哋覺得唔使加都已經好夠味，食完真
今日放工之後專登過去沙田圍接老婆收工，見時間尚早，就諗住喺附近買個外賣返屋企食下
喺博康邨街市裏面見到呢一間店舖，由店舖名可以睇得出應該係甜品店
行緊啲見到餐牌，上面有好多唔同種類嘅甜品，主要係豆類製品，有豆腐花系列、豆乳系列，連芋圓桃膠都有，另外仲見到有提供炸物添，價錢真係好貼地，擺到明做街坊生意，於是決定幫襯下，帶返屋企食
返到屋企打開呢一個一口炸燒賣仍然係熱辣辣，外皮撒咗少少准鹽，食落去幾香口，外皮有少少脆，裡面好煙韌，而且$18仲有9粒，都真係幾抵食！！
呢一個係我要嘅芋圓3號，一睇落去就已經見到落足料，裡面分別有三色芋圓、紫米、仙草同花奶，而下面仲有豆腐花添，所以每一啖食落去都好豐富，令到本身冇乜味嘅豆腐花多咗好多味道，而且豆味好濃郁
至於老婆就要咗紅豆豆腐花加三色芋圓，佢話紅豆同豆腐花好夾，甜甜地幾好食，而且紅到起晒沙，份量足足有半碗咁多，所以佢食得好滿足
最後我哋再share咗一碗芝麻糊豆腐花，留返食完晚飯之後食，本身芝麻糊同豆腐花都好夾，食落去既有芝麻嘅濃香，又有豆腐花本身帶出嘅豆味，仲更加滑溜添，本身餐廳仲附有黃糖，不過我哋覺得唔使加都已經好夠味，食完真係已經飽晒
张贴
