意蠔屋 (千禧閣)

营业中

休息中

男友今日带左我去试呢间佢成日都会翻食既街坊小店，主打焗饭意粉同埋蚝。.晚餐跟餐有红白汤送，红汤落足料去煲，有好多蔬菜红萝卜，味道够酸够浓，亦饮到有牛肉味。✨芝士焗珍珠蚝蟹棒阔条面阔条面烟韧有咬口而且份量都几多，白汁同芝士铺得好满，所以绝对唔怕食到最尾唔够汁会无味。蟹棒同埋蚝既质素不过不失。另外仲叫左一份焗千层面，是即叫即焗的，上枱时仲喺热辣辣。面层芝士焗到好香，入面有几只爽口弹牙既虾仁，味道唔错。✨芝士焗蚝焗蚝大大只，焗完都仲好juicy 又啖啖肉，面头既芝士份量多到漏，味道唔错。不足地方喺餐厅座位少同埋偏窄，所以见唔少街坊都喺帮衬买外卖，拎返屋企慢慢食。