茶煲

营业中

休息中

自从宝林邨以前间酒楼执咗之后，𠮶个铺位都曾经转手咗好多次，而家就分别畀翠河， 萨莉亚，同埋呢一间茶煲， 承接咗旧时嘅舖位。茶煲除咗有任食火锅之外，亦都有午市卖点心或者粉面，都几多选择。不过我今次试嘅系晚市几任食火锅 。成个格局就比较似牛涮锅或者日牛𠮶类任食火锅，客人可以出去选择食物，夹完自己嘅返埋位 ，但系牛肉就可以要求侍应拎畀客人。啲肥牛嘅肉质都算粉红色， 唔会话摆咗好耐咁，不过都几肥下， 同埋切得都算薄。蔬菜都算新鲜，几干净。我哋都食得几多牛肉。自家包嘅水饺，有木耳同猪肉，不过就冇虾。 仲有好特别嘅灌汤包。