金記冰室 (八號花園) (已結業)

屋企一冇饭开都会一家人出外吃饭，今晚都唔例外去咗金记冰室享用晚膳 ，除了基本餐牌外都会有特别推介美食。今期就有几款提供点了川味回锅肉炒乌冬品尝一下。饮杯特饮桂圆红枣桃胶茶可以滋润喉咙。美食当然唔止一款咁简单，先来系川味回锅肉炒乌冬镬气十足，入口乌冬味道带点香辣，再食件半肥瘦豚肉片又几惹味。另一款系人气铁板套餐嘅美式杂扒，有牛扒、猪扒、鸡扒、肠仔同烟肉配薯菜卖相十足。即时淋上黑椒汁一阵阵香味扑鼻，杂扒每块大大件切开大家一齐食，牛扒肉质够嫩滑，猪扒丰厚又多汁，鸡扒煎得香脆内软，连配菜一边食特别滋味。接住有鲜茄浓汁焗猪扒饭，面层盖满浓郁芝士鲜茄汁配埋炒饭底，入口酸酸甜甜够晒开胃，再食件软滑猪扒口感饱满。最后有法兰西多士沾上炼奶，食落够晒邪恶又美味，眨眼又享受完一餐冰室美食。