茶舍 (景福街)

营业中

休息中

去开Mikiki一田买嘢，又唔想系商场食饭，见到对面马路开咗一间新嘅餐厅，装修几靓环境都10分舒适又干净，所以就过去睇吓。餐厅位于新蒲岗主打西日式菜式，附近除咗商场都冇乜靓嘅餐厅，而家香港出街食饭闲闲地都$100,但e 到只系茶餐厅价钱环境于是就试吓，由于食饭时间餐厅好多人，所以决定买外卖返屋企食。今晚我哋就叫咗吉列猪扒咖喱日式蛋包饭。蛋包饭真心唔错，鸡蛋做得非常滑溜，估唔到吉列猪扒返到屋企都仲系脆，水准做得非常好。蚬肉白酒烟肉蒜香天使面，蚬肉份量非常多食得出系新鲜唔系急冻货色另外份量足够一个女仔争啲食唔晒。蒲烧鳗鱼炒珍珠饭鳗鱼分量超多好足料另外炒饭亦唔系用平视呀普通泰国米系用日本珍珠米，同香港好多日本料理餐厅有得比。所有菜式都包左嘢饮，新蒲岗呢个价钱真系非常抵食，推荐大家嚟试吓。