招點薈 (已結業)

今次去到一间位于佐敦既西餐厅食饭，今次同朋友因为太得闲而周围行，眼见附近既铺都关左门，无咩灯著，行行下睇到呢间好似黑暗中的曙光既餐厅。餐厅感觉上系新开张，地方唔算大，有大约10张台。是日餐汤有少少特别，平时会另外放个包系碟到比你自己钟意浸汤食就浸黎食，唔钟意就唔浸，呢到系会成个包放左入去汤到。洋葱感觉已经煮到出哂味，就甘食既话唔会太强烈既味道，反而系个汤到会饮到淡淡既洋葱香。再黎嗌左一粉一饭，望落好似好细碟好少甘，但其实份量都够食。意式蕃茄醋汁意大利饭个饭几值得推介，上面有一堆芝士以为食落好腻，但因为有蕃茄同埋醋汁，酸酸地好解腻，夹埋食一D腻既感觉都无，仲越食越停唔到口。蘑菇牛柳意大利面意大利面上面铺满芝士，加上用忌廉黎煮，成碟野都好香。但感觉都有少少腻。牛柳唔系全熟，肉质好嫩易咬。见到餐厅出面好似有张BAR台但未开放，我谂迟下会开放埋出黎比人坐系出面食或者饮下酒。