Bella Shine (已結業)

适逢纪念日，梗系要食西餐啦！一直都知道观塘有好多间隐蔽嘅西餐食肆，今次就撞啱拣咗呢一间。 呢间舖头位于观塘工厦入边，唔算太难揾。今次叫咗个二人套餐，价钱都几抵。套餐包咗餐汤、前菜、主食、餐饮同甜品，唔使抢心唔够饱。餐汤附送两块蒜蓉包，可以沾汤食。前菜系烟三文鱼沙律，有啲沙律菜、蕃茄仔、大菜头等等。主菜分别叫咗个蒜香蚬意粉同埋牛扒。意粉系蒜香味，好惹味！而且啲蚬新鲜，干净无沙。呢个牛扒叫咗五成熟，好香牛味而且好Juicy，有品质保证。食完主菜，就系上甜品嘅时候。甜品系蓝莓芝士蛋糕同埋泡芙，份量系细细件甘，食完都唔会惊太腻太饱。推荐呢个二人餐！