1523 釗級廚房 (已結業)

今日去元朗出event系元朗大剧院附近收工，于是同同事系附近揾食。行左冇耐见到呢间1523钊级厨房嘅餐牌几吸引，环境都唔错又唔洗等位，于是就决定试下。美国黑安格斯Prime肉眼扒，牛扒有成12oz，厚度超过1cm，我地叫左7成熟，外面煎到睇落好似好熟咁，但切落好易切，仲一啲血水都冇，食落好嫩口，一啲都唔韧。配埋黑松露薯蓉无得顶。BBQ酱猪肋排个酱系餐厅独家调配，酱汁好香蒜味令到猪肋排食落特别野味。猪肋排好大份，切开有成十条，啲肉算易咬，冇乜点痴牙，肉厚多汁。加20蚊仲可以配埋餐汤、蒜茸包同餐饮。餐汤系南瓜汤，好浓味又好creamy，稠度啱啱好，真材实料。蒜茸包烘到啱啱好，外脆内软，食落好香口。食晚餐仲送忌廉酒，忌廉酒好滑好易入口，闻落几香酒味但饮落又唔会好烈，食完咁多好野再饮返杯真系一级享受。