龍門冰室 (已結業)

同朋友去宝石戏院睇完戏，见到对面有间冰室就入咗去坐低食个午餐。呢度嘅食物选择非常之多，而且种类亦都好广泛。除咗有一般茶餐厅有嘅菜式之外，亦都有好多西餐，今次就决定试试佢。我哋要左一份all day breakfast同香蒜牛油带子意粉。两个餐都包餐汤沙律同饮品。先讲个餐汤系超级足料嘅杂菜汤，入边有蕃茄，薯仔，西芹，洋葱，红萝卜。而且非常大碗如果细食嘅朋友直头可以当一餐！另外沙律份量亦都唔可以睇少，有粟米杂果同埋碎蛋，有家庭嘅味道。到个all day breakfast喇，依然份量惊人！有两大块牛油厚多士，一份超厚奄列，仲有香肠，烟肉，烟三文鱼，薯饼，茄汁焗豆，好满足呀！而意粉亦唔会差过d西餐厅，意粉唔会过淋，带子都有好多粒，而且都算大粒。真系好抵食！而饮品都好有惊喜，叫左一杯奶茶红豆冰，奶茶够香够滑，而红豆亦够淋。另外亦叫左杯mocha，竟然都唔差过coffee shop。价钱仲要咁平，真系好值得一试。