Proton

营业中

休息中

今日同朋友喺元朗食飯，見到呢一間餐廳都幾型格，所以就入去試下☺️佢可以單點主菜，或者加多少少錢成為套餐，我哋覺得套餐都幾抵，所以就加咗套餐！前菜龍蝦湯、風乾火腿哈密瓜田園沙律佢嘅龍蝦湯好好飲！係好濃味嗰一種，有少少杰身，所以好Creamy！另外佢嘅哈密瓜配火腿真係非常一流，一鹹一甜好配合！兩個都好適合做前菜好開胃😙主菜澳洲西冷牛扒我哋叫咗五成熟嘅牛扒，佢煎得啱啱好，仲有佢嘅配菜都有好多，有薯餅、煎蛋、蕃茄仔、大啡菇同埋沙律，所以成個餐都好豐富！軟殼蟹虎蝦蟹籽粉紅汁手工意粉佢嘅手工意粉都幾好食，係偏向粗身少少嘅，但係都幾有口感！軟殼蟹炸得唔錯，仲要好大隻😍而佢嘅虎蝦亦都係好大隻嘅，所以食落去好有滿足感😚套餐佢係會有兩杯嘅嘢飲，睇個樣好似好細杯，但因為佢係闊身嘅杯，其實都好夠飲，另外亦都會有甜品！成件事都好滿足！整體嚟講都幾抵食🤤