黃金冰室 (欽州街) (已結業)

地址－黄金冰室 (深水埗)深水埗钦州街55号某日要换电脑零件，走去深水埗顺便觅食，经过见到呢间冰室，又光猛，又唔使点排队，所以就入黎食下，我地拣的小菜又包饮品同汤，我地都不约而同地拣左中汤，佢配料都足够，味道都唔错咁。💋XO酱茄子炆仓鱼，我第一次见到仓鱼系用呢个方法去烹调，所以叫黎试下，首先条鱼先醮粉再炸，再淋上XO酱的芡汁，XO酱虽然阵味唔太出，但都食到轻轻的香辣味，加埋茄子都几好，条鱼就都算大条，厚肉，佢炸得时间都几足，某部份直头连骨头都可以食埋，几好。💋黑松露大虾炒蛋，佢D大虾虽然都系雪藏货，但肉质都几好，冇乜雪味，又大只，数量又足，值得一赞，炒蛋方面炒得都几滑溜，加埋少少黑松露酱，食落好香口，有种画龙点睛的效果。💋西兰花炒鲜鱿，个卖相都几靓，睇得出有花过心思堆砌过，佢鲜鱿数量都唔少，仲要劲多须，劲开心，口感都几爽脆，连埋西兰花一齐食，好正。