平昌

营业中

休息中

估唔到乐富都有一间咁高质嘅韩烧放题，我今次就去咗平昌食韩烧。佢有一个世子餐任食，佢嘅世子餐居然可以任食酱油蟹，酱油虾，石蚝等等嘢食，真系好正。平时出去食一个酱油虾都要百几蚊，依家就可以慢慢任食，真系劲开心！个人觉得酱油蟹嘅酱油，味道偏重。反而酱油虾更加好食。其他嘢食都好好食，我特别钟意佢嘅水冷面，佢嘅水冷面汤底清清甜甜，好好味，而面质都烟烟韧韧。另外佢亦都有唔同嘅串烧同肉类，连西冷都有，劲大块嘅西冷一上枱，真系劲吸引。而整体环境都阔落，张凳可以用来做储物，然后饮品选择都多，有汽水，水同酒。