壹號車仔麵 (已結業)

「壹号车仔面」位于富辉花园商场地下，由马鞍山站行过去都唔使10分钟，沿路经商场天桥好方便。小店应该系主要做街坊生意，三𩠌车仔面都只系$38 ，佛心价钱，贴地平民价好受街坊欢迎👍我地嗌到成台嘢食都唔使$200，超级抵食😄车仔面净系面底面已经有8款，仲有超过20款𩠌可以拣，而且有数款仲系手工功夫菜，现包云吞、手打鲮鱼球等等，三𩠌面都系$38😮每加一款𩠌面只系加$10 ，抵食。香茅猪扒+蚝油冬菇+手功鲜虾韭菜云吞+乌冬猪扒有手掌咁大片，仲贴心地将猪扒剪成小件方便食用，鲜虾韭菜云吞真材实料，真系有粒粒虾肉而且皮薄馅多🤩🤩手功鲮鱼球+糖心蛋+一口牛腩+米线两粒乒乓球咁大嘅鲮鱼球，爽口弹牙，重点系无细骨同唔会腥，一口牛腩份量唔少但再稔少少就更好，糖心蛋必点，糖心蛋黄超滋味，米线份量大，绝对无将货就价😎腐乳通菜正常水准，如果腐乳酱再多啲就更好台式牛腱🏆有惊喜推介，卤水汁牛腱好入味，喜欢佢甜中有咸嘅味道，作为前菜冷盘💯💯甜炸椒盐鱿鱼须🦑炸粉薄薄一层加添脆感，但完全唔会过厚，系真系食紧鱿鱼本体而唔系食炸粉浆👍