安南越式牛肉粉X越茶

营业中

休息中

经过见到新开业，坐低一试。我地叫咗两碗粉面+米纸卷。原本想叫生菜包，但系侍应可能啱啱返工唔太清楚有咩馅料，我地就放弃咗。上菜时，份量大到吓一跳，连隔离枱都「哇 驶唔驶咁大碗」。火车头嘅牛肉同牛丸好食。蕃茄汤底比较厚，酸酸甜甜好啱我口味。意外惊喜系米纸卷，皮薄烟韧，粉丝弹牙。落少少鱼露酸甜汁好开胃。每块份量都比正常大一倍。一开始觉得价钱有啲贵，睇到份量就觉得好抵食。见到隔离枱嘅二人火车头个碗仲大过日式拉面大碗，起码够两大一细食。如果下次再食，我会直接叫一个米纸卷做主食，再加一两个小食。