越一越南牛肉粉專門店

营业中

休息中

上星期陪朋友去黄大仙拜神，拜完顺便喺附近食午餐。朋友话前排喺越一食过，lunch 几抵食又好味，带我嚟试下！睇完餐牌，佢地个午市套餐又真系几平，平均50几蚊有主食加杯饮品，另外仲可以跟餐点个小食。主食可以拣汤河/ 汤檬、饭、捞檬及法包，都几多选择！今次我就拣咗「头顿三宝捞檬 」入面有齐猪扒、鸡翼同埋扎肉。碗捞檬份量都足料，鸡翼都有3大只，猪扒又系大大件斩件，仲有2块扎肉。自己加入捞檬汁，我习惯加多啲会浓味啲，咁就啖啖檬粉都酸酸味味，好开心，我劲钟意食！小食我叫咗「红河炸虾饼」都几大件，炸得好香口，咬落好弹牙，好满足！ 点埋甜酸酱食，味道更加好！饮品叫咗越式滴漏咖啡，斋啡，咖啡味好香浓，饮落都几顺滑，建议一试！另外都要赞下呢到嘅姐姐，落单几有礼貌。问佢地拎咗几次野都笑笑口，服务唔错。