影片
更多
2018-01-21
237 浏览
新开嘅越南餐厅，每一日午饭时间都见到排晒长龙，终于今日的起心肝早少少去排队等位，希望一试呢间新餐厅。.呢个就系平时午饭时间门外嘅境况.好不容易终于等到位，加埋同行嘅朋友，一共三个人，被安排搭枱坐在卡位的一边...因为枱比较窄，同对面嘅食客都差不多零距离。特别系杯饮品，我绝对相信系可以同对面唔识嘅食客沟乱㗎虽则我绝对明白系想同时serve到更多客人嘅编排。.(至于你可否同朋友倾到计好地地咁食到个午餐就好睇你对面坐左咩人啦,好幸运地我对面有三个香港本地女孩子）.午餐嘅选择都相当多，我同朋友分别试左三样唔同嘅午餐～ .首先到嘅系奶茶同柠茶同埋咸柠檬梳打（因为情况太混乱冇影到相）.对于系奶茶控嘅朋友黎讲系一大喜讯，因为系港式奶茶☕️.然后就喺本人点嘅越式牛肉拼牛坑腩汤河。.最足料的是洋葱... 出奇地生牛肉嘅份量竟然比牛坑腩少.. 汤料嘅味道都非常浓味，害我饮咗唔少汤要赞嘅系个河粉煮得好淋，好多时候越南餐厅嘅生牛肉河粉（特别系繁忙时间关系），都会煮得硬硬的。呢度好明显比繁忙时间更繁忙，但都煮到淋身先上碟，非常感动..然后系朋友点嘅猪颈肉饭，有啲失望，虽然猪颈肉嘅味道都唔错，但系因为饭同埋猪颈肉都
.
呢个就系平时午饭时间门外嘅境况
.
好不容易终于等到位，加埋同行嘅朋友，一共三个人，被安排搭枱坐在卡位的一边...因为枱比较窄，同对面嘅食客都差不多零距离。特别系杯饮品，我绝对相信系可以同对面唔识嘅食客沟乱㗎虽则我绝对明白系想同时serve到更多客人嘅编排。
.
(至于你可否同朋友倾到计好地地咁食到个午餐就好睇你对面坐左咩人啦,好幸运地我对面有三个香港本地女孩子）
.
午餐嘅选择都相当多，我同朋友分别试左三样唔同嘅午餐～
.
首先到嘅系奶茶同柠茶同埋咸柠檬梳打（因为情况太混乱冇影到相）.
对于系奶茶控嘅朋友黎讲系一大喜讯，因为系港式奶茶☕️
.
然后就喺本人点嘅越式牛肉拼牛坑腩汤河。
.
最足料的是洋葱... 出奇地生牛肉嘅份量竟然比牛坑腩少.. 汤料嘅味道都非常浓味，害我饮咗唔少汤要赞嘅系个河粉煮得好淋，好多时候越南餐厅嘅生牛肉河粉（特别系繁忙时间关系），都会煮得硬硬的。呢度好明显比繁忙时间更繁忙，但都煮到淋身先上碟，非常感动
.
.
然后系朋友点嘅猪颈肉饭，有啲失望，虽然猪颈肉嘅味道都唔错，但系因为饭同埋猪颈肉都系冻嘅，不过唔知原因系因为事先整定，还是上菜嘅时候慢咗呢？
.
之后另一位朋友点嘅红饭迟迟都未嚟，我哋估计系因为呢一个红饭唔系好多人点同埋要即炒（？），所以唔可以好似其他咁整定先又或者点左之后一阵就黎。
.
红饭望落去嘅份量好多（定系因为牛柳粒嘅份量少呢？），但结果朋友都食得晒，所以份量其实系啱啱好，至于牛柳粒呢，都好彩冇话非常韧,以牛柳粒来讲都算系OK。
.
黎到越式餐厅，我哋亦都点左个牛油鸡翼黎试吓佢哋嘅手势，可惜又系因为太过混乱，所以完全冇影到相
总括来讲，除咗唔太阔嘅卡位要搭枱有啲之外，以性价比来讲嘅话呢一间餐厅都算系唔错嘅
张贴
