火五越式牛肉粉專門店 (華生樓) (已結業)

好耐冇去太子，经过间越式餐厅，又比佢迷住！火五火车头牛肉粉超级大碗！入面有生牛肉、熟牛肉，牛丸同埋扎肉！超多料！生牛肉都几嫩滑，食落唔鞋，而熟牛肉就似牛腩，仲要大大旧！食落软腍唔会韧！但反而我几钟意佢嘅牛丸，几弹牙！而汤底都唔错，牛味香浓，唔算油腻！我地仲叫咁个小食拼盘，贪佢样样都有啲，咁就可以试多啲！拼盘嚟到果阵，我地吓咗一跳！劲多嘢食呀！入面有炸鱼皮、青木瓜沙律、炸虾春卷、香草大虾、大虾米纸卷同埋扎肉米纸卷，超丰富！我觉得最正系香草大虾，虾肉好爽口，同埋佢已经帮你开埋边，劲方便！米纸卷同样出色，米纸够烟韧，入面好多料，劲大旧！最惊喜系炸虾春卷，睇落去平平无奇，但食落外脆内爽，入面好多虾肉！如果钟意饮浓咖啡嘅朋友，真系可以试下呢杯越式香滑浓咖啡！佢真系无改错名㗎！同佢个名一样，真系又滑又浓，但又唔会有苦涩味㖞！我都几钟意！而吴生果杯椰汁冰，其实系椰子水加椰果，饮落都唔会好甜，入面加咗椰果，仲几有咬口添！