麻辣娘子 (形薈) (已結業)

今晚同朋友去左玩Cocktail Workshop, 玩完之后就谂住去食饭医肚仔!经过见到E间川菜好似不错于是就入去试下, 餐厅环境几大, 干净企理,菜式方面有辣有唔辣而且辣度都系有得选择的!🌟低糖豆浆🌟娘子香辣锅(BB辣)香辣干锅有多种配料可以选择, 有肉有素, 而小妹就点左土豆，椰菜花, 花胶同金针菇, 份量极多, 虽然只系BB辣, 但都绝对唔野小, 建议唔食得辣嘅朋友可以叫多杯豆浆!土豆同椰菜花爽脆, 花胶柔软有胶质, 金针菇索哂酱汁非常惹味!🌟啫啫鱿鱼须鱿鱼须爽脆弹牙, 酱汁惹味可口🌟干扁四季豆炒得够干身同够火喉, 四季豆口感清脆带微微甜味, 非常好𩠌饭!